Mahboula Money Exchange Robbery: കുവൈത്തിലെ മഹ്ബൂല മണി എക്‌സ്‌ചേഞ്ചിൽ കവർച്ച നടത്തിയ സംഘം അറസ്റ്റിൽ
Mahboula Money Exchange Robbery കുവൈത്ത് സിറ്റി: മഹ്ബൂല മണി എക്സ്ചേഞ്ചില്‍ കവര്‍ച്ച നടത്തിയ നൈജീരിയന്‍ സംഘം അറസ്റ്റില്‍. അഹമ്മദി ഗവർണറേറ്റിലെ ജനറൽ ഡിപ്പാർട്ട്‌മെൻ്റ് ഓഫ് ക്രിമിനൽ ഇൻവെസ്റ്റിഗേഷൻ പ്രതിനിധീകരിക്കുന്ന ക്രിമിനൽ സെക്യൂരിറ്റി സെക്‌ടർ ആണ് നൈജീരിയ്‍ സംഘത്തെ കവര്‍ച്ച നടത്തി 24 മണിക്കൂറിനുള്ളില്‍ പിടികൂടിയത്. ഏകദേശം 4,600 കുവൈത്ത് ദിനാർ വിലവരുന്ന വിദേശ കറൻസികളാണ് സംഘം മോഷ്ടിച്ചത്. തിരക്കേറിയ സമയം തിരിച്ചറിയാൻ അടുത്തുള്ള ഇടങ്ങളില്‍നിന്ന് എക്സ്ചേഞ്ച് ഓഫീസ് നിരീക്ഷിച്ചാണ് സംഘം കൃത്യതയോടെ കുറ്റകൃത്യം ആസൂത്രണം ചെയ്തതെന്ന് അന്വേഷണത്തില്‍ കണ്ടെത്തി. കവര്‍ച്ച നടത്താന്‍ ഉപയോഗിച്ച വാഹനങ്ങളുടെ ഐഡൻ്റിറ്റി മറയ്ക്കാൻ മോഷ്ടിച്ച ലൈസൻസ് പ്ലേറ്റുകളാണ് അവര്‍ ഉപയോഗിച്ചത്. പ്രതികളെ അല്‍- ഖുറൈന്‍ മാര്‍ക്കറ്റ് ഏരിയയില്‍ നിന്നാണ് പിടികൂടിയത്. കൂടുതൽ നിയമനടപടികൾക്കായി പ്രതികളെയും പിടിച്ചെടുത്ത വസ്തുക്കളെയും പബ്ലിക് പ്രോസിക്യൂഷൻ ഓഫീസിലേക്ക് റഫർ ചെയ്തതായി ആഭ്യന്തര മന്ത്രാലയം സ്ഥിരീകരിച്ചു.
Comments (0)