കളഞ്ഞുകിട്ടിയ ക്രെഡിറ്റ് കാര്ഡ് കൊണ്ട് ഭക്ഷണവും സാധനങ്ങളും വാങ്ങിച്ചുകൂട്ടി; അജ്ഞാതനെ തപ്പി കുവൈത്ത് പോലീസ്
കുവൈത്ത് സിറ്റി: കളഞ്ഞുകിട്ടിയ ക്രെഡിറ്റ് കാര്ഡ് ഉപയോഗിച്ച് ഷോപ്പിങ് നടത്തിയയാളെ തെരഞ്ഞ് കുവൈത്ത് പോലീസ്. ക്രെഡിറ്റ് കാര്ഡ് ഉപയോഗിച്ച് ഇലക്ട്രോണിക് സാധനങ്ങളും ഭക്ഷണവും റസ്റ്റോറൻ്റുകളിൽ നിന്ന് ഭക്ഷണം കഴിക്കുകയും ചെയ്തു. കോ-ഓപ്പറേറ്റീവ് സൊസൈറ്റിയില്‍ വെച്ചാണ് യുവതിക്ക് ക്രെഡിറ്റ് കാര്ഡ് നഷ്ടമായത്. സഹോദരിക്ക് വേണ്ടി ഫയർ ഡിപ്പാർട്ട്‌മെൻ്റിൽ ജോലി ചെയ്യുന്ന കുവൈത്ത് പൗരനാണ് അൽ-ഫൈഹ പോലീസ് സ്റ്റേഷനിൽ സംഭവത്തെ കുറിച്ച് റിപ്പോർട്ട് ചെയ്തത്. ഫഹാഹീൽ പ്രദേശത്തെ ഇലക്ട്രോണിക്സ് സ്റ്റോറുകൾ, റെസ്റ്റോറൻ്റുകൾ, മറ്റ് കടകൾ എന്നിവിടങ്ങളിൽനിന്ന് അജ്ഞാതനായ ഒരാൾ കാർഡ് ഉപയോഗിക്കുന്നതായി കണ്ടെത്തി. ബാങ്ക് സ്റ്റേറ്റ്‌മെൻ്റിലാണ് ഇടപാടുകൾ വെളിപ്പെടുത്തിയത്. സ്റ്റേറ്റ്മെന്‍റുകള്‍ പോലീസുകാർക്ക് കൈമാറിയിട്ടുണ്ട്. നഷ്ടപ്പെട്ട ബാങ്ക് കാർഡ് ഉടമ അബദ്ധത്തിൽ ഉപേക്ഷിച്ചാലും അത് മോഷണം തന്നെയാണെന്ന് ഉദ്യോഗസ്ഥര്‍ പറഞ്ഞു. കാർഡ് ലഭിച്ചാല്‍ അത് പോലീസ് സ്റ്റേഷനിലേക്കോ ബാങ്കിലേക്കോ തിരികെ നൽകുന്നതാണ് ശരിയായ നടപടിക്രമം. സുരക്ഷാ ഫൂട്ടേജുകൾ പരിശോധിക്കാൻ സംശയിക്കപ്പെടുന്നയാൾ കാർഡ് ഉപയോഗിച്ച ഇലക്ട്രോണിക്സ് സ്റ്റോറുമായി ബന്ധപ്പെടുമെന്നും പോലീസ് പറഞ്ഞു. ഉപയോഗിച്ച വാഹനം ട്രാക്ക് ചെയ്‌തോ ബയോമെട്രിക് ഫിംഗർപ്രിൻ്റ് സാങ്കേതികവിദ്യ ഉപയോഗിച്ചോ മോഷ്ടാവിനെ തിരിച്ചറിയാൻ ഈ ദൃശ്യങ്ങൾ സഹായിക്കും.
Comments (0)