ജര്‍മനിയിലേക്ക് പറക്കാം, ‘ഒട്ടനവധി’ നഴ്സിങ് ഒഴിവുകള്‍; അഭിമുഖങ്ങള്‍ക്ക് തുടക്കമായി

ജര്‍മനിയില്‍ നഴ്സിങ് കരിയര്‍ സ്വപ്നം കാണുന്നവരാണോ, എന്നാലിതാ അത്യുഗ്രന്‍ അവസരം. കേരളത്തില്‍ നിന്ന് ജര്‍മ്മനിയിലേക്ക് പറക്കാം. നഴ്സിംങ് റിക്രൂട്ട്മെന്റ് പദ്ധതിയായ നോര്‍ക്ക ട്രിപ്പിള്‍ വിന്‍ കേരളയുടെ ഏഴാം എഡിഷനിലേക്കൂള്ള അഭിമുഖങ്ങള്‍ക്ക് കൊച്ചിയില്‍ തുടക്കമായി. ചൊവ്വാഴ്ച (മെയ് 20ന്) കൊച്ചിയില്‍ ആരംഭിച്ചു. മെയ് 23 നും മെയ് 26 നും തിരുവനന്തപുരത്ത് ആരംഭിക്കുന്ന അഭിമുഖങ്ങള്‍ മെയ് 29 നും പൂര്‍ത്തിയാകും. ജർമനിയിലെ ഹോസ്പിറ്റലുകളിലേയ്ക്ക് 250 നഴ്സുമാരെയാണ് ഏഴാം എഡിഷനില്‍ തെരഞ്ഞെടുക്കുക. അപേക്ഷ നല്‍കിയ 4200 അപേക്ഷകരിൽ നിന്ന് ഷോർട് ലിസ്റ്റ് ചെയ്യും. ഈ ഉദ്യോഗാർഥികളെ ജർമനിയിലെ ഫെഡറൽ എംപ്ലോയ്മെന്റ് ഏജൻസിയുടെ കീഴിലുള്ള പ്ലേയ്സ്‌മെന്റ് ഉദ്യോഗസ്ഥർമാർ നേരിട്ടെത്തിയാണ് അഭിമുഖം നടുത്തുക. പ്ലേസ്‌മെന്റ് ഓഫീസർ ക്രിസ്ത്യാനാ സോമിയായുടെ നേതൃത്വത്തിലാകും അഭിമുഖങ്ങള്‍ നടക്കുക. ഇതുവരെ നടന്ന അഭമുഖങ്ങളില്‍ നോർക്ക റൂട്ട്സ് റിക്രൂട്ട്മെന്റ് വിഭാഗം പ്രതിനിധികളും ജർമ്മൻ ഏജൻസി ഫോർ ഇന്‍റർനാഷണൽ കോ-ഓപ്പറേഷന്‍ (GIZ) പ്രതിനിധികളും പങ്കെടുത്തു.