Kuwait Jobs: കുവൈത്തില്‍ ഈ ജോലി ചെയ്യാന്‍ താത്പര്യമില്ല; ഈ വിഭാഗത്തില്‍ തൊഴിലാളി ക്ഷാമം രൂക്ഷം
Kuwait Jobs കുവൈത്ത് സിറ്റി: രാജ്യത്ത് ഗാര്‍ഹിക തൊഴിലാളികളെ കിട്ടാനില്ല. വരാനിരിക്കുന്ന റമദാനോട് അനുബന്ധിച്ച് 105,000 ഗാർഹിക തൊഴിലാളികളുടെ കരാർ ഉടൻ കാലഹരണപ്പെടുമെന്ന് ഗാർഹിക തൊഴിലാളി കാര്യങ്ങളിൽ വിദഗ്ധനായ ബസ്സാം അൽ-ഷമാരി വെളിപ്പെടുത്തി. ഈ തൊഴിലാളികളിൽ ഒരു പ്രധാന ഭാഗം അവരുടെ കരാർ പുതുക്കുന്നതിനോ ജോലിയിൽ തുടരുന്നതിനോ താത്പര്യം കാണിക്കുന്നില്ല. രാജ്യത്ത് ഗാര്‍ഹിക തൊഴിലാളികളുടെ ഒഴുക്കില്‍ വന്‍ കുറവ് സംഭവിച്ചിട്ടുണ്ട്. ഇത് സ്ഥിതി ഗുരുതരമാക്കുമെന്ന് അല്‍ ഷമാരി വ്യക്തമാക്കി. നിലവില്‍ ഗാര്‍ഹിക തൊഴിലാളികള്‍ക്ക് വന്‍ ഡിമാന്‍ഡാണ് ഉള്ളത്. എന്നാല്‍, രാജ്യത്ത് ഇവരുടെ എണ്ണത്തില്‍ കുറവുണ്ട്. വിദേശ റിക്രൂട്ട്‌മെൻ്റ് ഓഫീസുകളിൽ നിന്നുള്ള സഹകരണം കുറയുന്നതാണ് ലഭ്യമായ തൊഴിലാളികളുടെ അഭാവത്തിന് കാരണമെന്ന് അദ്ദേഹം പറഞ്ഞു. മറ്റ് ഗള്‍ഫ് രാജ്യങ്ങളുമായി താരതമ്യം ചെയ്യുമ്പോള്‍ കുവൈത്തില്‍ ഗാര്‍ഹിക തൊഴിലാളികള്‍ക്ക് കുറവ് ശമ്പളമാണ് നല്‍കുന്നത്. ഇതും തൊഴിലാളികളുടെ എണ്ണത്തില്‍ കുറവ് വരാന്‍ കാരണമാണ്. ഏഷ്യൻ തൊഴിലാളികൾക്ക് 1,200 മുതൽ 1,400 ദിനാർ വരെയും ആഫ്രിക്കൻ തൊഴിലാളികൾക്ക് 800 ദിനാർ വരെയാർണ് ശമ്പളം.
Comments (0)