-
കുവൈത്തിലെ പ്രമുഖ ഷോപ്പിങ് മാളില്‍ വാതകചോര്‍ച്ച; സ്ഫോടനത്തിൽ മലയാളികൾ ഉൾപ്പെടെ നിരവധി പേർക്ക് പരിക്ക്
•
കുവൈത്ത് സിറ്റി: ഷോപ്പിങ് മാളില്‍ വാതകചോര്‍ച്ചയെ തുടര്‍ന്നുണ്ടായ സ്ഫോടനത്തില്‍ മലയാളികള്‍ ഉള്‍പ്പെടെ പത്ത് പേര്‍ക്ക് പരിക്ക്. കുവൈത്തിലെ ഫഹാഹീലിലെ ഒരു ഷോപ്പിങ് മാളിലാണ് വാതക ചോർച്ച ഉണ്ടായത്. ഇന്നലെ (മെയ് 21) ഉച്ച കഴിഞ്ഞാണ് സംഭവം. എസിയിൽനിന്ന് വാതക ചോർച്ചയുണ്ടായതിനെ തുടർന്നാണ് പൊട്ടിത്തെറി സംഭവിച്ചതെന്നാണ് പ്രാഥമിക നിഗമനം. ഉടന്‍തന്നെ ഫഹാഹീൽ, അഹ്മദി സ്റ്റേഷനുകളിൽ നിന്നുള്ള അഗ്നിശമന സേനാംഗങ്ങൾ എത്തിയാണ് രക്ഷാപ്രവർത്തനം നടത്തിയത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.